Бээжингийн олимпийн медаль бэлэн болжээ
“Бээжин-2008” зуны олимпийн ХХIХ наадмын зохион байгуулах хороо Олимпийн наадам эхлэхээс 500 хоногийн өмнө медалийн загварыг олон нийтэд танилцууллаа.
Эртний Хятадын дүрслэх урлагын болон түүх соёлын өвийг шингээсэн энэхүү медалийн нүүрэн талд Ялалтын бурхан “Ариун Найк”-ийг, эртний Олимпийн цэнгэлдэхийн хамт дүрсэлсэн бол ар талд нь “Бээжин-2008” олимпийн наадмын албан ёсны лого-г “сийлжээ”. Медаль нь 70 мм диаметртай байх агаад алтан медальд 6 граммаас доошгүй цэвэр алт орох ажээ.
