2008-8-13
О.ГҮНДЭГМАА МӨНГӨН МЕДАЛЬ ХҮРТЛЭЭ

“Бээжин-2008” Зуны олимпийн XXIX  наадмын эмэгтэйчүүдийн спорт гар бууны 25 метрийн дасгал дөнгөж сая өндөрлөв. Монгол Улсын гавьяат тамирчин Отрядын Гүндэгмаа урьдчилсан буудлагад Олимпийн рекордыг давтан, нэгээр финалд шалгаран, Монголчууд бид ч Олимпийн анхны аваргаа “өлгийдөн” авахаар догдлон хүлээж байлаа. Финалын буудлагад БНХАУ-ын тамирчин, 2006 оны дэлхийн аварга Чэн Янь тун сайн буудаж, манай тамирчны өмнө орон, Биднээс алтан медалийг маань “булаан” авлаа. Ийнхүү Гүндэгмаа дөрөв дэх Олимпоосоо мөнгөн медалийг Эх орондоо авчирч, Олимпоос медаль хүрсэн 16 дахь монгол хүн, хоёр дахь олимпийн медальт монгол бүсгүй, анхны мөнгөн медальт эмэгтэй тамирчин болж, Бээжингийн тэнгэрт алтан соёмбот далбаагаа мандууллаа. Монголын эмэгтэй тамирчдаас анхны олимпийн медалийг хүртэж байсан Доржсүрэнгийн Мөнхбаяр 16 жилийн дараа Олимпийн хүрэл медалиа ихэрлүүлэв. Хэдийгээр Германы нэрийн өмнөөс оролцсон ч шагналын тавцанд хоёр монгол хүн зогсож буйг харахад хичнээн таатай, монгол цус, монгол хүний авьяас чадлаар бахархахгүй байхын аргагүй байлаа.

 

Эмэгтэй 25 метрийн спорт гар буу. Шигшээ буудлага

Алтан медаль.Чэн Янь (БНХАУ) 793,4 оноо

Мөнгөн медаль.Отряд ГҮНДЭГМАА (МОНГОЛ) 792,2 оноо

Хүрэл медаль.Доржсүрэн МӨНХБАЯР (Герман) 789,2 оноо

 

Ц.Энхтүвшин (“Таван цагариг”)

Бичсэн: tavantsagarigusa | цаг: 09:13 | | уншсан: 1311 удаа
Холбоос | email -ээр явуулах | Сэтгэгдэл(5) | Сэтгэгдэл бичих
Сэтгэгдэл:


Алт авчихлаашдээ happy 3 Монгол хүн медаль авчихлаа. Медаль гэдэг тэгээд ар араасаа дагуулчихдаг юм шиг байна. Булган сүүлтэй медалиуд шүү. Цаашаа зөндөө олон big grin
Боксынхон маань үнэхээр урамтай тогложийноо. big hug
Бичсэн: xvv цаг: 05:45, 2008-8-14 | Холбоос | |


Гүндэгмаад баяж хүргэө
Бичсэн: peja (зочин) цаг: 03:29, 2008-8-14 | Холбоос | |


Болж дээ. Тэр нь Гүндэгмаа байгаа нь бүүр болж дээ.
Бичсэн: lobe22 цаг: 09:16, 2008-8-13 | Холбоос | |


Күүүүл
Хэй, ёстой гоё юм болсийшүү тэ. Манайхан өшөө олон медал авна гэж итгэж байна.

Энэ зураг чинь гоё харагдаад байна. Авлаа шүү winking
Бичсэн: Mika (зочин) цаг: 08:47, 2008-8-13 | Холбоос | |


big hug хурай хурай хурай Ёстой бахархмаар байнаа big grin big hug
Бичсэн: xvv цаг: 12:16, 2008-8-13 | Холбоос | |



Бүртгэлтэй нэрээр бичих
 
  хариу
Зочин нэрээр бичих

:-)
оруулах
 
idiomatic-dormant